Plantun de Prouvènço

Pèr coumpara dos planto d'encò nostre

Gentiana verna subsp. verna & Grimmia orbicularis

Flour-bluò

Gentiana verna subsp. verna

Gentianaceae

Autre noum : Cougul.

Noms en français : Gentiane de printemps, Gentiane printanière.

Descripcioun :
La flour-blùo (J.-L. Domenge in LMT, op.cit. p. 59), flouris au desneva dins li pelouso d'auto mountagno. Es uno pichoto genciano que cuerb de gràndi surfàci e que se recounèis à sa rouseto de fueio basalo. La subsp. dis Aup, emé de fueio larjo, ié dison verna.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 3 à 15 cm
Fueio : basalo
Tipe bioulougico : Emicriptoufite
Cicle bioulougico : Planto renadivo

Gènre : Gentiana
Famiho : Gentianaceae

Ordre : Gentianales

Coulour de la flour : Bluio
Petalo : 5
Ø (o loungour) flour : 2 à 2,5 cm
Flourido : Printèms - Estiéu

Sòu : Ca
Autour basso e auto : 400 à 3000 m
Aparado : Noun
Abriéu à avoust

Liò : Pelouso
Estànci : Mountagnard à Aupen
Couroulougi : Ouroufito-Éurasiano
Ref. sc. : Gentiana verna subsp. verna L., 1753

Grimìo-di-boursèu-redoun

Grimmia orbicularis

Grimmiaceae

Nom en français : Grimmie orbiculaire.

Descripcioun :
Aquesto mousso coumuno dóu gènre Grimmia trachis en couissin gris, sourne e redoun sus li roucas cauquié. Coume quàsi tóuti li mousso dóu meme gènre si fueio soun acabado pèr uno longo ciho ialino. Fai eisadamen d'espouroufite clina que de verd devènon aranjo.

Usanço :
Se destrìo de Grimmia pulvinata, enca mai coumuno, bonodi soun urno redouno (acabado emé uno pouncho pèr Grimmia pulvinata) e subretout au microuscope que si celulo de baso de fueio soun 4 à 8 cop pu longo que larjo (quàsi carrado pèr Grimmia pulvinata). Coumpara emé la grimìo-en-couissin que ié sèmblo proun.